Earthquake drill gipahigayon sa kapolisan sa PRO-7
CEBU, Philippines — Niapil ang Police Regional Office (PRO)-7 sa ika-upat nga Nationwide Simultaneous Earthquake nga gipahigayon sa PRO-7 Headquarters Camp Sergio Osmeña Boulevard, siyudad sa Sugbo.
Suma ni PRO-7 Spokesperson Police Lt. Col. Gerard Ace Pelare tumong sa earthquake drill nga masiguro nga ang ilang kapolisan ug ubang empleyado sa PRO-7 nahibawo sa unsay buhaton kun dunay katalagman nga mahitabo sama sa linog.
Gawas sa pagtabang sa mga tawo sa gawas gipaneguro sab nila nga ang kapolisan makatabang sab sa ilang kaugalingong tugkaran.
Kini maoy rason nga ang mga polis sa tibuok Central Visayas matag quarter gipaubos sa disaster training.
"So far kining earthquake drill sige gina lecture nato, we have seen our police officers and NUP they know already what to do during this kind of calamities", matud ni Lt. Col. Pelare.
Dunay taga Regional Disaster Risk Reduction and Management Council nga mag-obserbar sa earthquake drill ug naghatag kini sa iyang mga nakita nga angayang palambuon ug uban pa. MEL (BANATNEWS)
- Latest
