Garcia nipahigayon og inspection sa CSBT

CEBU, Philippines — Gipahigayon ni Gobernador Gwendolyn Garcia sa Probinsiya sa Sugbo ang pag-inspection sa Cebu South Bus Terminal kagahapon sa buntag diin gilaoman ang pagdagsa sa mga pasahero nga manguli sa mga kalungsuran sa probinsiya subay sa kalihokan sa Barangay ug Sangguniang Kabataan Elections ug pagsaulog sa kalag-kalag.

Gisusi ni Garcia ang palibot ilabi na sa sulod sa terminal lakip ang g air-condition unit aron masiguro nga convenient ang mga pasahero.

Matud ni Garcia nga kong dili pa gyud hingpit nga mapaandar ang mga air-condition sa terminal pabutangan kini og daghang stand fan aron mobugnaw ang maong dapit.

Gibutyag sa gobernador nga iyang gimandoan usab ang nagdumala alang sa ticketing sa terminal sa pagdugang og cashier aron dili maghuot ang mga pasahero.

Nunot niini, si Garcia nagkanayon nga aduna pay daghang mga kalamboan ug pagpanindot nga ipahigayon sulod sa CSBT aron mohamugaway ang biyahe sa mga pasahero.

Kauban ni Garcia ang bag-ong direktor sa Cebu Police Provincial Office Police Colonel Percival Zorilla kinsa mnipahugot usab sa seguridad sa mga terminal ug sa tanang agianan sa mga tawo nga manguli ngadto sa ilang tagsa-tagsa ka mga probinsiya.

Adunay mga polis nga gipahimutang diha sa CSBT nga motabang sa pagpatuman sa kahapsay ug kalinaw.  (BANAT NEWS)