Tingub Elem. School nakadawat og photocopier, reading kits

CEBU, Philippines — Nakadawat og photocopier ug reading kits ang Tingub Elementary School sa Barangay Tingub, Dakbayan sa Mandaue gikan sa Local School Board.

Natigayon ang maong proyekto pinaagi sa pundong salapi gikan sa Special Education Fund nga gihangop usab sa mga magtutudlo sa maong tunghaan.

Ang maong photocopier usa ka 3-in-one printer kini nga magamit sa mga magtutudlo alang sa pag-imprenta sa ilang mga hand-outs ingon man sa mga tinun-an.

Samtang ang grade one ug grade 2 sa maong tunghaan ang gihatagan usab og reading kits sa tinguha nga mabansay sila sa pagbasa ug uban pa.

Nunot niini, ang mga magtutudlo nipadayag usab sa pagpasalamat sa maong tabang nga ilang nadawat diin makadugang kini sa pagpalambo sa ilang pagtudlo ngadto sa mga nagtungha nga mga bata.

Si Mayor  Jonas  Cortes kauban  sa mga sakop sa Local School  Board maoy nangulo  sa paghatag nga giubanan usab ni Konsehal Jimmy Lumapas ug mga kaubang opisyal sa kagamhanan sa maong dakbayan. —/BDB (BANAT NEWS)