Gun-for-hire ug babaye, nadakpan sa buybust
CEBU, Philippines — Gituohang gun for hire ang nasikop sa gipahigayon nga buybust operation sa Station Drug Enforcement Unit sa Waterfront Police Station 3 Sabado sa kaadlawon.
Ang operasyon gipangulohan ni Police Major Efren Diaz diha sa Sitio Lutaw-Lutaw Brgy. Sto Niño Cebu City nga niresulta sa pagkasikop kang Ramil Tampus Macabale ,44, residente sa maong dapit.
Matud pa ni Diaz nga ang dinakpan maoy suspek sa pagpamusil nga nahitabo niadyong Septiyembre 30,2023 sa Barangay Pahina Central.
Atol sa pagronda kaniya, nakuhaan kini og 10 gramos sa giingong shabu nga mo balor og 68,000 mil pesos ug usa ka Frontier caliber revolver nga adunay duha ka bala.
Ang dinakpan gibalhog na sa Waterfront Police Station 3 ug pasakaan og kasong kalapasan sa Sec.5 ug 11 Art.ll RA 9165, RA 10591 ug Comelec Gun Ban.
Sa laing operasyon, usa ka biyuda ang nadakpan sa buy bust operation sa mga sakop sa City Drug Enforcement Unit (CDEU) sa Mandaue City Police Office pinangulohan ni Police Major Romeo Caacoy Jr. diha sa dalan Logarta sa Barangay Subangdaku sa Siyudad sa Mandaue sa miaging Sabado sa gabii.
Ang nadakpan mao si Carmie Colina ,46, taga Wireless sa Barangay Subangdaku, nakuhaan siya lima ka gramong gituohang shabu nga nagkantidad og P34 mil. (BANAT NEWS)
- Latest
