Lalaking manigbas kun mahubog gipatay
CEBU, Philippines — Patay ang usa ka 33 -anyos nga lalake human gipusil samtang natulog sa sulod sa panimalay niini sa Purok Manga, Manduwang, Lungsod sa Minglanilla pasado ala 1 sa kaadlawon sa adlaw’ng Martes.
Ang biktima mao si Jissie Delantar Ordoño samtang giila pa sa kapolisan kun kinsa ang nagpatay kaniya.
Base sa imbestigasyon sa Minglanilla Police Station nga ang silingan sa biktima nakadungog og unom ka sunod-sunod nga buto sa armas gikan sa panimalay sa biktima.
Nakit-an nalang ang biktima pagkabuntag nga nakaangkon og samad pinusilan sa ulo ug agtang ug nakuha sa crime scene ang lima kabhang sa bala sa calibre .45 nga armas.
Nigawas sa imbestigasyon nga ang biktima gipangita kini sa tinugyanan sa balaod gumikan sa kasong pagpanigbas nga nahitabo pagka Oktubre 14, 2023 sa gabie diha ra sab sa maong dapit. Matud pa gitigbas niini ang silingan nga si Noel Agak-ak Antipuesto, 45.
Gireklamo sab siya sa uban niyang miyembro sa pamilya tungod kay kanunay manghasi ug manigbas kung mahubog. (BANAT NEWS)
- Latest
