Dialysis center sa Talisay bukas na
CEBU, Philippines — Pormal na ang pagbukas ug modawat na og pasyente ang dialysis center sa Dakbayan sa Talisay.
Si Mayor Gerald Anthony “Samsam” Gullas, Jr. nipadayag sa iyang kalipay nga ni anunsiyo niini human sila na accredited sa PhilHealth.
Niabot ang 28 ka higdaanan alang sa mao nga pasilidad nga nagtanyag og libre nga 156 ka sesyon gikan sa PhilHealth samtang mohatag usab og P1,000 ang Siyudad sa Talisay alang pag-abag sa programa aron ikapalit og tambal sa pasyente.
Si Gullas nagkanayon nga dugay na niya kini nga gipangandoy tungod sa iyang nakita nga kalisdanan sa usa ka pamilya nga adunay sakop kanila nga napaubos sa pagpatambal.
Matud ni Gullas nga kaniadto ang mga pasyente moadto pa sa Siyudad sa Sugbo o sa Dakbayan sa Carcar aron sa pagpaubos sa dialysis sa pribado.
Apan karon anha na kini sa compound sa Talisay City Hall diin nahimutang ang dialysis center. BDB (BANATNEWS)
- Latest
