Tabang Mandaue program nanghatag og ayuda sa duha ka barangay
CEBU, Philippines — Nakadawat og P4,000 nga pinansiyal nga ayuda gikan sa kagamhanan sa Siyudad sa Mandaue nga mga beneficiary sa Assistance to Individual in Crisis Situation (AICS) program.
Ang mga molopyo sa barangay Umapad ug barangay Tipolo mao ang lakip sa nakadawat sa maon benepisyo gikan sa kagamhanan sa Mandaue ubos sa Tabang Mandaue Program ni Mandaue City mayor Jonas Cortes.
Gipatuman ni Mayor Cortes ang AICS program alang sa labing nanginahanglan og tabang nga mga Mandauehanon.
Sa nasayran niadtong miaging adlaw sila si Mayor Cortes ug Bise Mayor Glenn Bercede ang naghatag na usab og financial assistance sa mga benepisyaryo sa Barangay Umapad ug Barangay Tiipolo.
Mokabat na usab sa P384,000 ang nahatag sa kagamhanan sa dakbayan niadtong miaging adlaw alang sa mga nangayo og tabang medical ug burial assistance.
Ubos sa Tabang Mandaue Program, gihatagan og pagtagad ang paghatag og financial assistance ilabi na alang sa panginahanglan sa pagpatambal, ug bayad sa ospital ingon man ang pagpalubong sa mga namatay nga mga Mandauehanon. — MEL (BANATNEWS)
- Latest
