Social services bldg  giturn over na sa CSWD

CEBU, Philippines — Pormal nga giturn-over sa kagamhanan sa Dakbayan sa Talisay ang Social Services Buidling ngadto sa City Social Welfare and Development (CSWD) kagahapon sa buntag.

Si Talisay City mayor Gerald Anthony  Samsam  Gullas maoy nangulo sa programa aron magamit na gyud kini alang sa pagserbisyo sa mga kabus.

Si Gullas niingon nga gipaningkamotan niya ang pag gahin og pundo alang sa mao nga proyekto pinaagi sab sa tabang ni kongresista Rhea Gullas aron ang serbisyo matagamtaman gyud sa Talisaynon nga nagkinanglan.

Asoy pa sa mayor nga ang social services maoy labing importante sa pang gobyerno busa angay nga hatagan kini og dako ug hamugaway nga lugar.

Apan gipasabot ni Gullas nga kung nindot man ang edipisyo mas maayo lang sab nga hatagan ang tanan og maayo nga serbisyo.

Lakip nga naa sa edipisyo nga giturn-over mao ang canteen nga gihatag sa siyudad alang sa mga sektor sa Talisay sama sa senior citizen, LGBTQ+, solo parents, womens, mag-uuma ug mananagat ug uban pa.

Sigon pa ni Gullas nga mas maayo nga sila ang hatagan sa kahigayonan sa pagnegusyo aron daghan ang mabulahan. Gawas pa niini, gipang apuran sab og mga basketball ring ug fiber glass board ang tanang barangay aron ila sab kining ibutang sa ilang lugar nga himuong kalingawan o paugnat sa kusog alang sa tanan.  (BANAT NEWS)