Basketball court ug multi-purpose building gibuksan
CEBU, Philippines — Abli na ang basketball court ug multipurpose building sa Barangay Poblacion, Dakbayan sa Talisay.
Si Talisay City mayor Gerald Anthony “Samsam” Gullas maoy nangulo sa pagbukas sa maong mga edipisyo niadtong miaging semana. Matud pa ni Gullas nga dako ang problema nga giatubang sa kabataan sa Poblacion niadtong 2019 tungod sa pagkawala sa ilang basketbolan nga maoy ilang kalingawan.
Aron sa paghatag og igong lugar ilang gihimo ang edipisyo alang sa basketbolan lakip na sab dinhi ang pagbutang sa manindahay ug magamit nga opisina.
Nagkanayon si Gullas nga ang barangay opisyales maoy magdumala sa basketbolan samtang hatagan pa og dugang panahon nga matapos gyud ang pipila ka trabahuon sa di pa kini maduwaan.
Samtang niadtong Lunes, gihimo ang opening salvo sa kapistahan ni Sta. Teresa de Avila. Gisugdan kini sa Santos nga Misa dayon gisunod ang procession nga gitambongan sa liboan ka mga tawo o debotos sa patron. (BANAT NEWS)
- Latest
