31st Cebu Press Freedom  Week gitak-opan kagabii

CEBU, Philippines —  Pormal nga gitak-opan kagabii ang ika- 31st Cebu Press Freedom Week, hingpit nang gitak-opan kagabii adlaw nga Sabado pinaagi sa panagtapok sa mga sakop sa Cebu Federation of Beat Journalist nga gilangkoban og gatus kapin ka mga lehitimo nga sakop sa media gikan sa TV, newspapers ug radyo sa usa sa mga hotel ning Dakbayan sa Sugbo. Usa ka mabulokon nga selebrasyon ang gipahigayon gikan sa pagbukas, ngadto na sa mga forums ug seminars nga gitambongan sab sa mga tinun-an.

Ang mga nagkadaiyang  beat nga sakop sa CFBJ nga naglangkob sa REJOICE, DEPP,  Armalite, MICS, CART, OJ, MALLET, E-Group, CEJA, CHARM, ug SCORE mipakita sa ilang nagkadaiyang presentation.

Matud pa ni Arnold Bustamante, nga nasublian pagbalik isip presidente sa CFBJ ug kasamtangan nga reporter sa DYHP/CCTN/Sunstar Superbalita nga ning pagtak-op sa Press Freedom Week, iyang nakita nga buhi pa gyud ang media sa Sugbo tungod sa mga mainiton nga kalihukan.

Nanghinaut si Bustamante nga dili lang panahon sa selebrasyon sa Press Freedom Week ipakita ang panaghiusa kung dili sa matag adlaw nga pagpanarbaho.

Malaumon si Bustamante nga gamiton ang ballpen, computer, microphone ug ang bag-ong medium sa pagbalita nga mao ang social media sa tinuod nga pagpahibawo sa publiko ug batokan ang pagpakatap og mga sayop nga impormasyon.

Atol sa pagtak-op sa kalihukan daghan gayud ang nabulahan tungod kay dili lang busog sa pagkaon, premyo nga nabitbit sa mga giswerte nga mga beat reporters apan apil na ang paghimamatay ug ang gasa sa panaghinagalaay gikan sa nagkadaiyang beats. (BANAT NEWS)