Pipila ka dalan sa Cebu City gilaumang mohuot ang trapiko

CEBU, Philippines —  Pipila ka mga dalan sa Dakbayan sa Sugbo ang gilaoman nga mahout ang trapiko traffic karong adlawa tungod sa ipahigayon nga bar examination.

Matud ni Police Lieutenant Colonel Janette Rafter, deputy city director for operation sa Cebu City Police Office nga makasinati og kahuot ang dagan sa trapiko karong adlawa gumikan sa bar exams nga ipahigayon diha sa University of San Jose Recoletos, Basak Campus ug University of San Carlos Downtown Campus Law Building.

Ang mga dalan nga maapektohan tungod mao ang parte sa Pelaez Street gikan sa P. Del Rosario corner Junquera Street ug kabahin usab sa Sanciangko Street gikan sa Pelaez Street corner ngadto sa Junquera Street. Samtang sa University of San Jose Recoletos Basak Campus, ang rightmost lane sa southbound sa N. Bacalso Avenue nga maoy gihimo nga drop-off lane alang sa mga examinees ug examiners.

Sa nilabay’ng Domingo dili usab masudlan ang maong dapit tungod sa gipahigayon nga bar exams.

Dugang ni Rafter nga sa nilabay’ng Domingo adunay dili 50 ka PNP personnel ang gidestino sa maong mga dapit ug adunay sila’y nakita nga gagmay nga kakulian kalabotan sa dagan sa trapiko.

Ang publiko gihangyo sa ilang pagsabot aron paghatag og dalan sa mga nikuha og bar exams nga mga Sugbuanon.  BDB (BANATNEWS)