15 ka paresan miapil  sa kasalan ng bayan

CEBU, Philippines —  Mokabat sa 15 ka paresan ang niapil sa gipahigayon nga kasalan ng bayan sa Archdiocesan Shrine of St. Arnold Janssen Parish, Alumnos, Barangay Basak San Nicolas ning Dakbayan sa Sugbo, adlaw nga Sabado.

Nangulo sa maong kalihukan sa misa sa kasal mao si Fr. Andres Guban, SVD uban ni Fr. Danilo Noval, SVD.

Nag edad og 74anyos ang kinatiguwangan nga niapil sa kasalan ng bayan samtang ang asawa niini nagpangidaron ug 62.

25 anyos usab ang pinakabata nga nagpakasal ug 26anyos usab ang asawa niini.

Atol sa wali ni Guban, gipahimug-atan niini ang upat ka E sa kinabuhi sa magtiayon nga mao ang Excitement, Elegance, Eucharistic ug Ecclesia.

Sumala pa ni Guban, sayod man siya nga ang bag-ong kinasal anaa ang excitement hinungdan kinahanglan kini nila dalhon hangtud sa hangtud sa ilang pagpuyo sa kinabuhi nga minyo, elegance tungod kay atol sa ilang mga kasal daw susama sila ug wala kaila sa ilang kaugalingon tungod sa ilang ka gwapa ug ka gwapo.

Eucharistic tungod kay atol sa ilang kasal, anaa man sa ilaha nga sentro ang Ginoo sa ilang pagpuyo isip banay, ug Ecclesia, pakighiusa isip komunidad ug simbahan.

Dugang pa ni Guban, human sa santos nga misa kinahanglan ang mga kinasal mopaduol na sila sa Ginoo ug makiglambigit sa ilang kaugalingon sa mga kalihukan sa simbahan.

Kini gumikan kay ang pagpuyo sa mga bag-ong kinasal kay legal na, ug mahimo na silang ikapasigarbo sa ilang tagsa-tagsa ka banay.

Samtang dako kaayo ang pasalamat sa mga kinasal sa libreng kasal nga ilang nadawat ug aduna pa silay bongga nga reception nga gipahimutang kilid sa simbahan. (BANAT NEWS)