Synchronized response tinguha sa Mandaue

CEBU, Philippines —  Ang mga opisyal  sa Siyudad  sa Mandaue  nagtinguhang syncrhonized response ang buhaton sa mga responders sa siyudad panahon nga dunay mga pagbaha atol sa kusog ang pagbunok  sa ulan sa dakbayan.

Sa panagtigom kauban sa mga sakop sa kapolisan sa Mandaue City Police Office (MCPO),  City Disaster  Risk  Reduction and  Management Office (CDRRMO), Traffic Enforcement Agency of  Mandaue  (TEAM) ug mga sakop sa kabomberohan sa dakbayan nahisgutan nga kinahanglang synchonized ug dunay tukmang koordinasyon ang tanan sa pagtubag sa emerhensiya.

Si  Police Lieutenant Colonel  Franc  Oriol, sa MCPO nga maoy deputy  director  for operations ug tigpamaba sa Mandaue City Police Office (MCPO) miingon  nga  nagkasinabot sila palambuon ang ilang pagresponde.

Kahinumdoman nga sa nakalabay nga mga adlaw nga sagunson ang pagbunok sa uwan, gipangbahaan sab ang pipila ka mga lugar sa siyudad, duna pay karsada nga gilunopan abot taga liog ang tubig.

Si  CDRRMO head Buddy Alain  Ybañez miingon nga dunay mga higayon nga gikinahanglang ihiklin sa mas luwas nga dapit ang mga naa sa agianan sa baha. IBM (BANATNEWS)