11 bata nahilo sa “kinumot”

CEBU, Philippines —  Ubay-ubay nga mga tinun-an sa Manguiao Elementary School sa Barangay Manguiao sa Asturias ang gidala sa tambalanan human matud pa nangahilo sa gikaon nilang “kinumot” o homemade chocolate.

Ang mga bata matud pa nangaon aning gitawag og “kinumot” nga gibaligya sa kilid-kilid. Matud pa nga ang kinumot, homemade chocolate nga giputo og murag foil ug kinaham kan-on sa mga bata.

Sa opisyal nga pamahayag nga gipagawas ni Mayor Dana Andrew M. “Dongkoy” Dumdum gikumpirmar niini nga dunay nangahilo nga mga tinun-an sa maong tunghaan.

“The Local Government Unit (LGU) of Asturias, would like to express our deep sadness and concern regarding the incident that took place in Barangay Manguiao, where several students were poisoned after consuming homemade candies,” matud pa niini.

Hinuon nalipay ang mayor sanglit ang tanan 11 ka mga bata nga nakakaon sa maong pagkaon nakagawas na gikan sa tambalanan human sila giatiman ug nahatagan og tambal.

Samtang kini nakapaguol ug nakapaalarma sa mayor, naghatag sab kini og ideya sa mga opisyales sa lungsod kung unsay buhaton aron mapugngan na mausab kini sa sunod nga mga adlaw.

Gipasalig sa lungsod nga suportahan nila ang mga bata ug mga ginikanan sa ilang nasinati karon.

Gidayeg sab sa mayor ang paspas nga reaksyon sa mga kadagkoan sa maong tunghaan  ug ang rescue team ug medical professionals nga nitabang para sa mga bata.

“As a responsible and proactive LGU, we have immediately initiated an investigation into this matter. The candy samples have been sent to the Department of Health (DOH) for further examination and analysis,” matud pa sa pamahayag.

Gipasalig ni Dumdum nga mohimo sila og mga lakang batok sa mga responsible sa pagkahilo sa mga bata.

“The LGU Asturias is committed to preventing similar incidents from happening in the future. We will be reviewing and strengthening our food safety regulations and inspections to ensure that all food items brought to our schools and communities meet the necessary safety standards,” puno pa sa pamahayag.

Giawhag sab ang mga ginikanan ug mismo ang mga tinun-an sa pag-amping kanunay bahin sa ilang palitong homemade candies o mga dili nila suhito nga pagkaon. IBM (BANATNEWS)