P2 milyones shabu nasakmit sa kapolisan
CEBU, Philippines — Nadakpan sa Regional Drug Enforcement Unit sa Police Regional Office-7 ang usa ka High Value Individual sa buy-bust operation diha sa Atillo Compound, Tres De Abril Street, Barangay Punta Princesa, siyudad sa Sugbo, Sabado sa kaadlawon.
Giila ang dinakpan nga si Marvin Karl Rabor Demonteverde, 39, taga 934-Tres De Abril Street, Barangay Punta Princesa , siya nakuhaan og 300 gramong gituohang shabu nga mobalor og kapin P2 milyones. Sa report sa RPDEU-7 ang suspetsado usa ka bodegero og illegal nga drugas.
Laing nadakpan sa City Intelligence Unit sa Cebu City Police Office (CCPO) ang usa ka High Value Individual Regional Level sa ilang buy-bust operation sa Sitio Creekside, Barangay Lorega, siyudad sa Sugbo, kagahapon sa udto adlaw nga Sabado.
Ang nadakpan mao si Niño Arturo Amado Silao alyas Atoy, 31, residente sa 317 L Sikatuna, Sitio Creekside, Barangay Lorega San Miguel ning siyudad.
Sa gipahigayong buy-bust operation pinangulohan ni Police Lieutenant Lyndon Mondragon si Silao nakuhaan og 115 grams nga shabu nga mobalor og P782,000.
Samtang nadakpan sab sa kapolisan sa Presinto 3 ang usa ka senior citizen nga babaye nga nadakpan sa buy bust operation alas 12 psad0 qng takna sa miaging tungang gabii.
Si Police Major Jade Sumagat miila sa ilang nadkpan nga mao si Alvina Sorvilla, 60, taga Barangay Gun-ob, Siyudad sa Lapu-Lapu nga nakuhaan og walo ka mga putos sa gituohang shabu nga nagkantidad og P34 mil.
Si Sorvilla nangangkon nga una pa kining higayon nga gibinlan siya og illegal nga drugas aron maka-komisyon siya pangpuno pagpalit og bugas.
Apan si Sumagat miingon nga nadakpan na kini tungod sa pagpmligya og illegal nga drugas kaniadto apan giingong gipasaylo lang tungod sa iyang pangidaron. –Decemay Padilla, Romeo Marantal (BANAT NEWS)
- Latest
