Mga eskuylahan sa Talisay gibombahan kontra lamok
CEBU, Philippines — Dugang sa preparasyon nga gihimo para sa umaabot nga pagbukas sa klase ang kampanya kontra sakit nga Dengue diha mismo sa mga tunghaan.
Ang siyudad milusad og misting operation sa pipila ka mga tunghaan sa Dakbayan sa Talisay nga gihimo sa mga sakop sa Dengue Task Force.
Ang tumong niini nga wala nay lamok sa mga tunghaan nga posibleng magdala og sakit nga dengue atol sa pagbalik na sa mga bata sa ilang pagtungha karong Agosto 29 ning tuiga.
Ang Talisay City Health Office maoy nangulo sa misting ug ilang giuna ang Talisay City Science High School sa pagpatay sa mga lamok. Sa pikas bahin, ang kapolisan ug mga sakop sa City of Talisay-Traffic Operation Development Authority (CT-TODA) subsob na sab ang pagpangandam.
Gihimo nila ang ocular inspection sa matag eskwelahan. Ang CT-TODA nisusi sa mga traysikol nga kasagaran sakyan sa mga tinun-an kung kini luwas ba kini magbiyahe.(BANAT NEWS)
- Latest
