Clubhouse ug indoor badminton court tukoron sa Toledo

CEBU, Philippines — Usa ka Clubhouse ug Indoor Badminton Courts ang itukod sa dakbayan sa Toledo. Gani usa ka ground breaking ceremony ang gipahigayon sa maong badminton court. "Dili lang ni usa ka korte, kundi mas gipanindot og gitabangan gyud ni og mga maayong engineer og architect sa pag desinyo" sumala sa Toledo City Public Information Office.

Duna sab ibutang nga espasyo alang sa taekwando ug gymnastics sulod sa court. Ang maong court adunay clubhouse ug Al fresco nga mamahimong tambayan sa mga players ug sa mga tawo.

Ang maong edipisyo gipaabot nga mahuman sulod sa napulo (10) ka bulan diin anaa kini ipahimutang sa kilid sa Toledo Sports Center.

Samtang hingpit na nga nahuman ang seawall didto sa Toledo diin ang gitas-on niini nagsugod sa usa ka hotel hangtud sa may pantalan sa Brgy. Poblacion, Toledo City.

Ang maong wave deflector seawall nakaangkon og grabeng kadaot human sa mga nangagi nga kalamidad hinungdan nga gitrabaho kini sa lokal nga kagamhanan.

Gilaraw usab sa LGU nga mabutangan og streetlights ang maong seawall aron mahayagan inigka gabii. —/MEL (BANAT NEWS)