Brigada Eskuwela sa public schools gisugdan

CEBU, Philippines — Malampuson ang pagbukas sa unang adlaw sa Brigada Eskwela sa Abellana National School kagahapon adlaw nga Lunes nga molungtad hangtud kini adlaw nga Sabado.

Gisugdan kini og Zumba para sa pagpaugnat sa kusog nga giapilan sa mga magtutudlo, ginikanan, tinun-an ug uban pa.

Human gisugdan gilayon ang pagpanglimpyo ug pagpang-ayo sa mga nangaguba sulod sa mga lawak saringan.

Ang Principal nga si Nathaniel Flores, miingon nga kining maong kalihokan kabahin kini sa pagpangandam sa pagbalik na sa mga bata sa pagtungha.

Maoy tinguha karon semanaha tabangan sa tanan magtutudlo, ginikanan ug komunidad ang opening aron inig klase sa mga bata lahus-lahus na ug limpyo na usab.

Pipila usab sa mga tulonghaan sa Sugbo ug sa Rehiyon 7 ang niapil sa ilang tagsa-tagsa ka mga tulonghaan sa gihimo nga Brigada Eskwela.

Sa Talisay City, gihimo na ang samang kalihokan sa tanang 44 ka public schools niini. Ang tema sa kalihokan karon “Bayanihan Para sa Matatag na Eskuwelahan.” — Gabriel Bonjoc (BANAT NEWS)