DICT padayon sa pagpalapad sa Free Wi-Fi All program

CEBU, Philippines — Sa pagsulbad sa problema tali sa adunay access ug walay access sa internet sa Pilipinas, ang gobiyerno pinaagi sa Department of Information and Communications Technology (DICT) nagpadayon sa pagpalapad sa ilang “Free Wi-Fi for All” program diin maghatag kini og  libreng access sa internet sa mga publikong lugar sa nasud.

Base sa press released as Philippine Information Agency-7 nga adunay 3,961 ka active free Wi-Fi sites diha sa 493 localities sa nasud sa buwan sa Abril niining tuiga.

Nasayran nga sa Central Visayas, adunay 137 active free Wi-Fi sites, diin 57 niini sa Negrosd Oriental, 43 sa Cebu, 35 sa Bohol ug duha sa Siquijor.

Ubos sa Free Wi-Fi for All program, tumong sa DICT nga makabutang og dugang 9,762 ka sites sa pampublikong lugar ug 162 ka sites sa state universities ug colleges sa kataposan sa tuig 2023.

Si Frederick Amores, direktor sa DICT-7 atol sa regional multi-stakeholder’s consultation sa National ICT Development Agenda nga gipahigayon sa Cebu City niining ulahi lang nagkanayon nga pinaagi sa partnership sa LGUs mahimong sayon kanila ang pagbutang og dugang free Wi-Fi sites diin ang LGUs maoy maka-identify og potential nga lugar nga mahatagan og libreng Wi-Fi access sama sa state universities ug colleges, pampublikong hospitals, mga pampublikong plaza ug mga buhatan sa gobiyerno.

Ang DICT nakigtambayayong kini og dugang local government units sa pagpalapad sa libreng internet services ngadto sa mga pampublikong lugar sa rehiyon.

Amores said that DICT will provide the bandwidth while the LGU will bring it to the barangays and other areas with no internet access. Matud ni Amores nga nakita niya karon ang pagdaghan sa LGUs kinsa niila sa kaimporante sa connectivity sa ICT nga nag-ahat sa ilang ahensiya sa pagpadayon pagpalambo sa pakigtambayayuong kanila sa pagbutang og dugang pa  nga free public Wi-Fi sites.

Ang programa nag-aghat usab sa pagpalambo sa kaalam ug pagpauswag sa ekonomiya sa nasud pinaagi sa paghatag og libreng internet access ngadto sa dugang mga Filipino diin nagtugot kini kanila nga makaapil sa online learning, pagpahigayon og online transactions ug pag-avail sa ubang online services ug activities nga maka-contribute sa digital economy sa nasud.

Dugang ni Amores nga ang DICT mohatag og paagi niadtong mga lungsoranon kinsa dili maka-afford sa pag-access sa internet ug human niini ang katawhan mohangop sa daghang ekonomikanhong oportunidad nga naghuwat kanila. — /BDB (BANAT NEWS)