Baboy ug karneng baboy gikan Bohol, gi -ban sa Sugbo tungod sa ASF didto
CEBU, Philippines — Mimando si Gobernador Gwendolyn Garcia og temporaryong pagdili pagpasulod sa mga baboy ug produkto sa baboy gikan sa Probinsya sa Bohol padulong sa probinsya sa Sugbo.
Sa iyang executive order number 21 penetsahan Agosto 8, 2023, si Garcia nagkanayon nga adunay kompirmado nga kaso sa African Swine Fever (ASF) sa lungsod sa Pilar didto sa lalawigan sa Bohol.
"With the confirmed cases of ASF in Bohol, there is an urgent need to temporarily ban the entry of live hogs, sows, piglets, boar semen, and pork-related products from the hog province of Bohol to protect the hog industry of Cebu," tipik sa EO ni Garcia.
Nunot niini, ang mga livestock transport trucks ug refrigerated vans gikan sa Bohol nga naluwatan na og Cebu Provincial Livestock Transport passes aron magkarga og live hogs o karne sa baboy gidid-an una nga makasulod sa Sugbo sulod sa 60 ka adlaw.
Ang kapulisan, coast guard, Cebu Port Authority ug ang nga Mayor ang giawhag nga magmonitor sa ilang mga lugar ug estrikto nga ipatuman ang kamandoan sa gobernador sa Sugbo.
Kahinumdoman nga ang Bohol duna say susamang pork ban sila nga gipatuman basta kini gikan sa Sugbu tungod sa ASF nga miigo sa probinsiya pipila ka bulan na ang nakalabay.
Bisan gani bawon sa mga pasahero giukay diha sa mga pantalan ug gidid-an pagdala didto. IBM (BANATNEWS)
- Latest
