Pilipinas, Sugbu ug Palawan nominado sa Wanderlust Reader Travel Awards
CEBU, Philippines — Nominado sa nagkadaiyang kategorya sa turismo Pilipinas ug ang duha ka mga dapit niini nga mao ang Palawan ug ang Cebu sa International Travel Awards.
Pinaagi sa Facebook page sa Department of Tourism, ilahang gipasigarboang maong nominasyon ubos sa tulo ka katergoya. Ang International Travel Awards nga usa ka magazine nagbase kini sa United Kingdom ug maoy gikonsiderar nga pinakakaraang travel magazine sa maong nasud.
Matud pa nga nominado ang Philipinas sa kategoryang Most Desirable Country, samtang ang Cebu anaa ubos sa Most Desirable Region ug ang Palawan nominado isip Most Desirable Island alang sa Wanderlust Reader Travel Awards niining tuiga.
Gawas niini ang Pilipinas mahimo pang botaran alang sa kategorya sama sa Adventure, Nature and Wildfire, Culture and Heritage, Gastronomy ug ang Sustainable Experience.
Si Department of Tourism (DOT) Secretary Christina Garcia Frasco nipadayag sa iyang kalipay nga ang respetadong magazine nakakita sa kanindot ug katahom sa Pilipinas.
Para niya, ang maong nominasyon nagpakita sa resulta sa mga inisyatibo sa publiko ug pribadong sektor taliwa sa miaging pandemya aron maila ang Pilipinas isip usa ka global nga destinasyon nga adunay tanyag ug lapad nga halad sa turismo.
“These nominations, on top of the three million foreign arrivals which we have recently reached, are affirmations that the world welcomes our reintroduction of the Philippines on the strength of its many attributes, highlighting a multitude of reasons to love the Philippines. These recognitions are also a reflection of the relentless efforts made to open up the Philippines again to tourism and travel with a stronger foundation focused on infrastructure, connectivity, digitalization and an enhanced over all tourism experience,” matud pa ni Frasco.
Niadtong unang tuig ang Palawan mao ang niangkon ug nakakuha sa Gold Award alang sa Most Desirable Island for the Rest of the World nga kategorya ubos sa samang nominasyon. Gidasig usab ang nasud nga mahimong mopaambit sa ilang gugma ug suporta sa Pilipinas pinaagi sa pagbotar sa https://wanderlusttravelawards.com/.
Mamahimo lamang sa pagbutar hangtod sa Oktubre 18, 2023. Ang awarding sa maong nominasyon ipahigayon karong Nobyembre sa British Museum.- CNU Intern/IBM
- Latest
