Serbisyo Caravan himoon sa MCPO karong adlawa
CEBU, Philippines — Gipasiugdahan sa Mandaue City Police Office (MCPO) Headquarters nga gipangulohan ni Police Colonel Jeffrey Caballes, ang pagpahigayon og Community Outreach Serbisyo Caravan nga magsugod sa alas 9 ang takna sa buntag karong adlawa Hulyo 24, 2023.
Kini ipahigayon atubangan sa Cebu International Convention Center ug Bai Hotel sa reclamation area.
Sa pagbukas sa maong kalihokan adunay programa nga pagahimoon diin usa sa gidapit nga mamulong si Konsehal Oscar del Castillo nga maoy vice chairman sa Advisory Group sa MCPO.
Lakip sa gidapit ang mga ahensiya sa kagamhanan sama sa Technical Education Skills Development Administration (TESDA) Public Employment Service Office (PESO) PNP Legal Service, Department of Agriculture, Palawan ug uban pa.
Ang Advisory Group adunay giandam nga 200 ka mga food pack nga ipanghatag sa labing kabus nga mga bata sa kabarangayan. (BANAT NEWS)
- Latest
