Smuggled nga sibuyas nasakpan

CEBU, Philippines —  Nasakpan sa Bureau of Customs Port of Cebu ang mga pinalusot nga puti nga sibuyas dihang ilang gihiling ang mga giabandonar nga container vans nga miabot niadtong sa Pebrero 2, 2023 nga ang deklarasyon Kimchi.

Ang consignee niini nga Fonzir Trading OPC miabandonar sa shipment sumala pa ni  Bureau of Customs Port of Cebu District Collector Ciriaco Ugay.  Sa dili pa ibasura o i-condemn para isubasta ang mga abandonadorng kargamento, kinahanglan kining susihon subay sa lagda.

Niadtong Hunyo 5, 2023 giablihan ang container vans alang Auction and Cargo Disposal Section ug nadiskubrehan nga ang luyo sa mga kahon sa Kimchi mga sinakong sibuyas bombay nga puti.

Wala’y rason nga gibutang ang consignee kun nganong giabandonar niini ang maong shipment. Ang BOC Port of Cebu nipagawas og Decree of Abandonment subay sa Section 1129(a) sa Customs Modernization and Tariff Act in relation to Customs Administrative Order (CAO) 17-2019.

Ang maong container vans gikan pa sa China ug dunay sulod nga 3, 329 ka bags nga puting sibuyas nga mobalor sa dul-an sa P1 million.

Sigon ni Ugay nga dunay tulabagon ang consignee hinungdan nga giduso na kini sa opisyal sa ilang Law Division alang sa tukmang lakang.

“Sa batas po ng Customs Modernization and Tariff Act (CMTA) hindi porke’t nag-express wala kanang liability just in case may makita sa shipment po may liability pa rin po,” pagklaro ni Ugay.

Ang BOC nakigalayon na sa Bureau of Plant Industry alang sa pag-dispose sa mga kontrabandong sibuyas.

Si Salome Castañeda, Senior Agriculturist sa BPI mipasabot nga ang ilang papel sa inventory mao ang pagkuha og sample sa mga smuggled nga bisuyas aron masuta kun dunay kini peste o sakit aron dili makapanakod sa mga tanom sa nasud.

Nanawagan si Ugay sa katawhan nga hunungon na ang pagpalusot og ilegal nga butang ug mobayad og saktong buhis ingon man pagdeklarar sa tinuod nga sud sa ilang kargamento para kini sa kalambuan sa nasud.  IBM (BANATNEWS)