Pride Month gisaulog sa dakbayan sa Talisay

CEBU, Philippines —  Nagsaulog sa Pride Month ang mga sakop sa Lesbian, Gay, Bisexual, Transgender, Queer, Questioning, Intersex, Asexual and + (LGBTQIA+) uban sa kagamhanan sa Syudad sa Talisay.

Pormal nga gibuksan ang kalihukan uban sa mga presidenti sa LGBTQIA+ sa kabarangayan ingon man sa mga opisyales sa siyudad pinangulohan ni mayor Gerald Anthony “Samsam” Gullas.

Si konsehal Ofelia Ylanan, chairman sa committee on Family, Women, Children, Gender Sensitivity and LGBTQIA+ nibutyag nga daghan nga kalihukan ang giandam alang sa grupo.

Matud pa niya nga usa kini ka paagi nga maghiusa ang mga sakop sa LGBTQIA+ aron mapagawas ang ilang talento ug mahatagan og kaangayan sa katilingban.

Si Ylanan niingon nga daghan nga kalihukan ang giandam sa tibuok buwan sa Hunyo.

Samtang si mayor Gerald Anthony “Samsam” Gullas nibutyag nga ang pagdawat sa grupo maoy labing importante nga ipaabot sa katawhan.

Siya niingon nga magsilbing modelo ang mga opisyales pinaagi sa paghatag sa syento por syento nga suporta aron makuha ang patas nga pagtratar kanila sa komunidad. — MEL (BANATNEWS)