Liloan nakakuha og audit rating sa COA

CEBU, Philippines — Sa ika limang higayon nakaangkon ang lungsod sa Liloan og audit rating gikan sa Commision on Audit COA.

Nakakuha na daan ang lungsod sa Liloan og unqualified opinion gikan sa COA niadtong 2017, 2019, 2020, 2021 ug sa 2022 sa panahon pa kini sa kanhi mayor ug karon DOT secretary nga si Christina Garcia Frasco.

Sa administrasyon ni Mayor Aljew Frasco ang Commission on Audit mi grant na usab og “Unmodified Opinion” ngadto sa Liloan base sa examination sa 2022 Financial Statements niini.

Ubos sa International Standards sa Supreme Audit Institutions, ang mga auditors moisyu og unqualified o unmodified opinion kun base sa ilang assessment walay "material misstatements" nga kasagaran motumaw kun adunay sayop o di ba kaha panglimbong nga gihimo sa financial statements sa LGU.

Si Frasco nga nidawat sa sulat gikan sa COA niadtong Hunyo 7 nagkanayon nga sukad ni asumer siya pagka Mayor sa Liloan niadtong 2022 iyang gisaad sa mga konstituwente nga adunay financial transparency ug full compliance sa accounting ug auditing rules ang pagdumala sa panudlanan sa lungsod. — MEL (BANATNEWS)