Mga polis patabangon pagbadlong sa mga motoristang mosungasong sa baha

CEBU, Philippines — Gipahimangnoan sa City Disaster Risk  Reduction and Management Office (CDRRMO) sa Siyudad sa Mandaue ang mga motorista nga likayan ang pag-agi sa mga dalan sa siyudad sa panahon nga nagbunok ang uwan kun kin gisanapan na sa baha.

Si Buddy  Alain Ybañez, pangulo  sa CDRRMO miingon nga magpatabang  na unya sila sa kapolisan sa pagkontrolar sa  mga drayber nga mopugos og sungasong sa baha.

Kini tungod dunay ubang mga drayber sa mga gagmay nga sakyanan o motorsiklo nga mopugos gayod sa pag-agi sa mga dalan nga gipanglunopan sa baha hinungdan nga duna gyuy mangapagngan og makina mao nga magkabara-bara na hinuon ang trapiko.—  IBM (BANATNEWS)