Gidaug ko na ang kalibotan

Binasi sa  Jn. 16;29-33

Ang kalibotan dili lang mahitungod sa planeta nga atong gipuy-an kondili mahitungod kini sa kinatibuk-an sa Diosnong kabuhatan lakip na niini ang tawo. Ang kalibotan sa sinugdanan hingpit ug walay sipyat. Malangkubon kini apan sa dihang nisulod ang sala nahimo kining napukan.

Ang maong kapukanan maoy hinungdan kun nganong karon matag usa kanato matud pa ang padayong nanlimbasug aron mamahimong hingpit atubangan sa Dios ug sa atong isig ka ingon.

Ang atong Ginoo nagdasig: Ayaw kahadlok bisan pa man kun paantuson kamo sa kalibotan. (Sa ato pa, ang atong tawhanong kalibutan diin anaa ang kalambigitan). Kini tungod kay gidaug ko na ang kalibutan.

Nagpasabot kini nga taliwala sa atong kahuyangan ug kawalay angay ang Dios nisulod sa atong kinabuhi. Sa iyang pagsulod sa atong kinabuhi iyang gihingpit ang tanan alang kanato. Iyang gipakita nga mas labaw ang iyang gugma kay sa atong nahuptang kahimtang.

Kini nagpasabot nga dunay paglaum sa gihapon nga nahuptan ang matag usa kanato.

Sa mga higayon nga mas maayo pa ang magpakahilom kaysa magsaba saba apan pagtuo ug pagbati haguka.

Sa panahon karon subo palandungon nga daghanan kanato ang mahimong mahitumpawak sa walay hinungdang pagtumotumo og mga sugilanon nga makadaut sa dungog sa imong isig ka ingon.