Cash incentives sa mga polis di ihatag hangtud di masulbad ang tulis, vandalism
CEBU, Philippines — Mihagit si Cebu City Mayor Michael Rama nga dili i-release ang cash incentives sa Dakbayan sa Sugbo alang sa mga polis kun dili mapagkang kining vandalism ug kriminalidad sa dili pa maabot ang Hunyo 12, 2023.
Mao kini ang pamahayag ni Rama human sa nagsagunson nga mga panghitabong tulis dinhi sa dakbayan sa niaging mga adlaw.
Matud pa sa mayor partikular gyud siya sa kahapsay og kalinaw busa gusto gyud niya nga mahatagan kini og dakong pagtagad.
"It has always been a priority. I do not want a change of guards. I already have the directive that the incentive of the police may not be released, especially that by June 12, makit-an lang gihapon nato ang mga vandalism ug kriminalidad,” ni Rama pa.
“I am very clear. That is my position. This will now be directed to all policemen,” dugang pa niya. Nakigtigom si Rama kang Police Colonel Ireneo Dalogdog kagahapon ug gipadangat niya ang iyang mga concern.
Sa niaging tuig gianunsyo ni Rama nga duna siyay plano nga patas-an ang monthly allowance sa police officers nga gikan sa P2,500 hangtod sa P5,000 (gikan sa dakbayan) nga mahimong ma-apply karong tuiga.
Giawhag usab niya ang opisyales sa barangay pagmintinar sa kahapsay ug kalinaw sa siyudad.
Gimandoan usab ni Rama ang Department of Social Welfare and Services (DSWS) Cebu Environmental Sanitation and Enforcement Team, ug Barangay Environment Officers nga hingusgan gyud ang kampanya niini nga wala nay mangatulog sa kadalanan. —Rowena Capistrano (BANAT NEWS)
- Latest
