Lapu-Lapu nigama og MOU alang sa mass transport system

CEBU, Philippines —  Gitanyag karon sa usa ka pribadong kompaniya sa kagamhanan sa Siyudad sa Lapu-Lapu ang pagpahigayon og mga pagtuon kalabot sa mass transport system nga himuon.

Ang maong gisugyot nga transport network adto kini motadlas sa secondary road sa siyudad ug dili ngadto sa mga busy nga dalan sa siyudad.

Nunot niini, si Mayor Junard “Ahong” Chan ang nakigpinirmahay na niadtong Mayo 11, 2023 og memorandum of understanding (MOU) uban sa FUTRAN Philippines pinaagi sa presidente sa maong pribadong kompaniya nga si Jose Christopher Fornier. Si Chan nagkanayon nga ang paspas nga paglambo sa siyudad nagkinahanglan nga ma-upgrade na usab ang transportation system niini.

Nasayran nga ang maong kompaniya ang nakigpinirmahay na usab og  Memorandum of Agreement (c)  uban  sa kagamhanan  sa Siyudad sa Mandaue niadtong Pebrero  27, 2023 sa pagahimuon nga feasibility study sa  modern mass transportation system nga kasamtangan karong gigamit sa mga nasud sa China,  Japan ug Germany. (BANAT NEWS)