12 ka organisayon hatagan og ayuda sa Talisay
CEBU, Philippines — Mokabat sa 12 ka organisasyon nga nagbase sa Dakbayan sa Talisay ang mahatagan unya og ayuda sa kagamhanan ubos sa liderato ni mayor Gerald Anthony “Samsam” Gullas.
Kini human ang mga oganisasyon nakapakita na sa dokomento nga gikinahanglan aron mahatagan sa ayuda.
Gani si Gullas ug ang mga organisasyon nipirma sa Memorandum of Agreement (MOA) aron masilyohan ang ilang kasabutan.
Sa pinirmahay, ang siyudad motabang pinaagi sa livelihood program sa tanang organisasyon basta lang sila makahatag og business proposal ug plano sa ilang mga proyekto.
Matud pa ni Gullas nga gihimo nila kini aron mailhan ang matag organisasyon sa ilang kawsa sa pagpalambo sa Talisay.
Ang Talisay adunay 41 ka accredited nga organisasyon apan 12 pa lang ang nakasumiter sa gipangita nga dokumento. - MEL (BANATNEWS)
- Latest
