LTO7: Road safety ibutang sa hunahuna

CEBU, Philippines —  Ang Land Transportation Office Central Visayas nipahinumdom sa mga motorista nga nuntan kanunay ang road safety tungod sa sagunson nga disgrasya sa kadalanan sa nanglabay nga mga adlaw.

Matud pa ni LTO-7 Regional Director Victor Caindec sa iyang social media post, batasanon unta sa mga motorista  ang pagsunod sa road safety aron malikayan ang disgrasya.

Sumala pa niini, malikayan ra gyud ang mga aksidente sa kadalanan pinaagi sa pagsunod sa traffic laws.

Si Caindec, nipadayag nga bisan ug daghan silang madawat nga mga pagsaway apan magpadayon gihapon ang ilang buhatan sa pagpatuman kung unsay nalatid sa balaod may kalabutan sa road safety.

Ang LTO nabantayan nga naa na kanunay sa kadalanan mag-inspeksyon sa mga papeles sa mga sakyanan aron pagsiguro nga nagsunod sa balaod ang mga drayber. — IBM (BANATNEWS)