District 5 maoy kampiyon sa Sadsad Kadaugan showdown

CEBU, Philippines — Nakadawat og dakong ganti ang mga mananaug sa labing unang Sadsad Kadaugan grand showdown sa Kadaugan sa Mactan nga gipahigayon sa Liberty Shrine sa barangay Mactan, siyudad sa Lapu-Lapu.

Ang Sadsad Kadaugan maoy usa sa labing bag-ong kalihokan sa ika-502 nga kasaulogan sa Kadaugan sa Mactan karong tuiga.

Gideklar nga labing unang kampyon sa 1st Sadsad sa Kadaugan grand showdown mao ang District 5.

Nakuha usab nila ang tanang special awards sama sa best in costume, best in musicality, ug best in a video presentation ingon man sila usab ang first runner-up sa street dancing competition.

Samtang ang District 3 maoy napili nga street dancing champion ug ang District 2 nakakuha sa 2nd runner-up award.

Ang District 4 maoy napili isip first runner-up sa grand showdown ug ang District 1 mao ang second runner-up.

Ang ikaduhang dapit sa grand showdown sa Sadsad sa Kadaugan nakuha sa District 3 ug ikatulo ang district 1 diin gisalmutan kini sa napulo ka district sa Lapulapu City division.

Gihipos sa District 3 ang kampyonato sa Sadsad sa Kadalanan ug ikatulo ang district 2.

P100,000 ang premyo sa kampyon sa grand showdown, P75,000 ang ikaduhang dapit ug P50,000 ang ikatulo samtang ang premyo sa Sadsad sa Kadalanan P50,000, P40,000 ug P30,000.

Sa iyang mensahe si Mayor JUnard “Ahong” Chan mipadayag nga posibleng modako pa ang ganting salapi alang sa mga mananaug niini sa sunod tuig nga indigay.  — MEL ( Banat News )