Mituman sa waste segregation gipasidunggan

CEBU, Philippines —  Gihatagan og pasidungog sa buhatan sa City Environment and Natural Resources (CENRO) ang mga buhatan sa Mandaue City Hall ug mga buhatan sa nasudnong kagamhanan nga nagtuman sa tukmang paglabay sa ilang basura.

Kini naglakip sa gipatuman sa kagamhanan sa maong dakbayan nga mao ang pagbahig sa malata ug dili malata nga mga basura o waste segregation.

Si Mayor Jonas Cortes ug Bise Mayor Glenn Bercede maoy nangulo sa pagtunol sa plaque of appreciation ngadto sa mga buhatan nga gipasidunggan.

Naglakip sa gipasidunggan mao ang Public Employment Service Office( PESO)nga nahimutang sa 10th Place, Department Environment and Natural Resources  (DENR) / Environmental Management Bureau (EMB)-7, 9th PLace, City Veterinary Office, 8th Place, Social Security System (SSS)7th Place, City Budget Office 6th Place, City Engineering Office 5th Place, City Planning and  Development Office 3rd Place,  City Mayors Office 2nd Place ug ang Department of General Services Office maoy nakakuha sa first place.

Si Mayor Cortes sa iyang giluwatan nga pamahayag miingon nga iyang gipanghinaut nga ipadayon gayod ang tukma nga paghipos sa basura sa mga gitrabahoan o sa kabalayan isip mga responsable nga sakop sa katilingban. (BANATNEWS)