Buhatan sa FISECA gubaon gihapon

CEBU, Philippines —  Guba gihapon hangtud karon ang buhatan sa Fisheries Sea Ecological Care (FISECA) sa Dakbayan sa Talisay.

Si Noe Restauro, usa sa mga kawani nibutyag nga naguba ang ilang buhatan atol sa bagyong Odette niadtong Desyembre 2021. Kapin na sa usa ka tuig ang nilabay apan wala pa gyud kini nibarug pagbalik.

Matud ni Restauro nga panahon sa uwan mag-iyahay lang sila og pasilong ug magpalandong kong ting-init.

Hinuon padayon ra gihapon ang ilang inadlaw nga gimbuhaton sa pagbantay sa kadagatan sa Dakbayan sa Talisay.

Si Bise Mayor Richard Francis “Choy” Aznar nagkanayon nga nalakip ang pagpaayo sa buhatan sa FISECA sa mga programa ni Mayor Gerald Anthony “Samsam” Gullas, Jr..

Iyang ipasusi pagbalik kong kanos-a kini mapatuman. (BANAT NEWS)