Spaghetti wires gilimpiyo sa Naga; CT-TODA nanglimpiyo sa karsada
CEBU, Philippines — Gihinlo sa Siyudad sa Naga ang patay nga mga kable nga nagbitay diha sa nasudnong dalan uban sa taga Telecommunication Company.
Ang maong kalihokan ikaduha na kini nga hugna sa ilang paglimpiyo.
Ang maong mga kable naghatag kini og peligro sa mga motorista.
Sa laing bahin, ang mga sakop sa City of Talisay-Traffic Operation ang Development Authority (CT-TODA) mao usab ang nanglimpiyo diha sa karsada human natagak-tagak ang semento gikan sa dagkong truck.
Nagpadayon gihapon ang maong problema ug dili kanunay nga mabantayan sa mga sakop sa CT-TODA ang mga truck nga adunay kargang masa sa semento nga magtagak-tagak diha sa karsada.
Ang maong sitwasyon naghtag usab kini og peligro sa mga motorist nga madisgrasya.
Sayo pa, pipila ka drayber nga nasakpan nga naghugaw-hugaw sa karsada ang naisyuhan og citation ticket. — BDB (BANATNEWS)
- Latest
