PSN nanawagan alang sa pag-amping sa kidney
CEBU, Philippines — Nanawagan ang Philippine Society of Nephrology (PSN) nga ampingan ang kidney ug tabangan nga mahunong ang chronic kidney disease kini subay na sa pag-selebrar sa World Kidney Day, niadtong Marso 9.
Gitataw sa PSN nga misaka ang kaso sa chronic kidney disease ingon man sa mga Pinoy nga nag-dialysis.
Matud pa sa grupo nga samtang pwede mamenusan ang chronic kidney disease matambalan sab kini pinaagi sa medications.
“All of us need to be informed of the importance of our kidneys to our general health. Everyone needs to be aware of the risk factors and signs and symptoms of kidney disease, and see a doctor for proper diagnosis even those without symptoms but are at risk”, matud ni PSN President Dr. Maaliddin B. Biruar.
Sa data sa National Kidney and Transplant Institute (NKTI) gibutyag sa PSN nga usa ka Pinoy ang mo-develop og chronic renal failure matag oras.
Gani dunay naka-develop og kidney disease apan pabilin nga underdiagnosed matud pa sa grupo.
Ang World Kidney Day usa ka global campaign nga nagtinguha paghatag og awareness sa importansiya sa kidneys dili lang sa panglawas apan pagpakunhod sa frequency ug impact sa kidney disease worldwide.
Suma pa sab ni Dr. Vimar Luz, head cluster sa Patient Care ug miyembro sa PSN Board of Trustees nga gawas sa pag-screen sa posibleng sakit sa kidney ang mga Pinoy mahimo sab mosunod sa golden rules alang sa himsog nga kidneys ug lakip niini ang pagkontrolar sa blood pressure ug blood sugar. (BANATNEWS)
- Latest
