CITRASCO di moduyog sa transport strike

CEBU, Philippines — Kun ang mga transport groups didto sa kaulohan gikatakdang mag transport strike sa sunod semana, ang usa sa mga labing dakong transport group sa Sugbu nga Cebu Integrated Transport Service Multi-Purpose Cooperative (CITRASCO) dili moapil niini.

Ang CITRASCO adunay 800 ka mga sakop nga nagpadagan na karon og mga modernized jeepneys.

Matud pa ni Ryan Benjamin Yu, ang Chairman sa CITRASCO dili sila moapil kay suportado nila ang transport modernization program sa gobiyerno.

Gawas sa mga modernized jeepneys, duna say mga taxi units nga miyembro sa ilang grupo. Matud ni Yu, 90 porsiyento sa mga ilang mga sakop namasahero, dili sila buot mahasol ang mga sumasakay maong dili sila moapil sa strike.

Ang transport strike sa mga drayber ug operator didto sa kaulohan may kalabotan kini sa hingpit ng pag phase-out sa traditional jeepneys sa Hunyo 30, 2023.Ang tanang prangkisa sa traditional PUJs i-revoke na anang adlawa. Kadtong mga nagproreso na aron magpamiyembro og kooperatiba o korporasyon sa transportasyon gilugwayan pa kutob Disyembre ning tuiga hangtud makapalit sila og modernong pasaheroan.

Si Yu miingon nga para sa kaayohan sa tanan kining transport modernization program sa gobiyerno. —/IBM (BANAT NEWS)