Nigradwar sa CBDRP gihangyo nga dili na mobalik sa bisyo

CEBU, Philippines — Gihangyo sa  Cebu City Office of Substance Abuse Prevention (COSAP) ang mga nakagradwar na sa ilang community base drug rehab program  (CBDRP) sa 80 ka barangay nga unta dili na mobalik sa dautang bisyo aron dili mosangpot nga masulod sila sa prisohan.

Ang hepe sa COSAP Jonathan John Rodriguez nagkanayon nga  padayon nila nga gi-monitor ang mga nakahuman na sa CBDRP ug kon masuta nila nga nibalik kini sa paggamit og ginadiling drugas aduna sila'y dugang hugna sa  intervention niini aron mahunong na ang maong bisyo.

Apan kun magginahi gyud kini seguradong adto kini mosangpot sa prisohan.

Sa ilang datos sa tuig 2022  kapin sa 3,000 ang nipaubos sa CBDRP diin mayoriya niini hingpit na nga nibiya sa ilang bisyo ug  wala molapas og 10 ang mga inbidwal nga nagmagahi hinungdan nga nangabalhog sa prisohan.

Subsob usab karon ang gibuhat sa COSAP nga mga nti-drug seminar omga forum.

Matud ni Rodriguez nga importante kaayo ang CBDRP tungod kay usa kini sa pamaagi nga magiyahan ang katawhan aron dili mobalik sa dili maayong binuhatan. Kauban usab sa COSAP ang Philippine Drug Enforcement Agency ug Philippine National Police sa lapad nila nga kampaniya batok sa ginadiling drugas.

Ang COSAP usab ang niatiman karon sa mga rehab session alang sa persons deprived of liberty (PDLs). (BANATNEWS)