PDL hatagan og higayon nga makasaulog sa Valentine`s Day

CEBU, Philippines — Hatagan na sab og higayon sa kadagkuan sa Cebu City Jail Male Dormitory nga makaselebrar sa adlaw sa kasing-kasing ang mga Persons Deprived of Liberty (PDLs) nga naa sa maong pasilidad.

Human sa duha ka tuig nga wala maselebarar ang Valentine's Day gumikan sa lockdown, karong Pebrero 14, 2023, Martes subli kining ibalik.

Dunay i-montar ang Community Relations Service ug Unit Welfare and Development nga photo booth alang sa libreng picture sa mga PDL uban sa ilang mga dalaw nga magsaulog sa Valentine's Day.

Samtang si Jail Superintendent Gregorio Acacio, warden sa Cebu City Jail Male Dormitory uban sa CRSO ug ubang personnel mobisita sa Oprra National High School atol sa adlaw sa kasing-kasing alang sa information drive sa Penology Profession, ELCAC campaign, Anti-DRUG (BIDA) campaign ug HIV Campaign.

Duna say pagahimoon nga feeding program. (BANATNEWS)