Aron paglikay sa baho, biya sa isda ipada sa mga customer

CEBU, Philippines —  Ipadala na sa mga fish vendor sa merkado publiko sa siyudad sa Mandaue ngadto sa ilang mga customer ang mga biya sa isda sa higayon nga magpalimpiyo kining daan sa gipalit nilang isda.

Kini nonot usab sa gipatuman nga kamandoan sa nagdumala sa merkado ngadto sa fish vendors aron kalikayan ang kabaho nga masinate sa mga residente haduol sa merkado. Sa nasayran dunay mamalitay nga magpalimpiyo daan sa ilang gipalit nga isda sa merkado ug ang mga biya niini sama sa hasang, tina-e ug himbis maoy makamugna og kabaho sa merkado nga gireklamo sa mga molopyo.

Si Ceasar Mercadal Jr., nga maoy Market administrator miingon nga ang maong pamaagi ilang gihimo sukad pa niadtong Disyembre sa miaging tuig.

Nunot usab kini sa sugyot sa buhatan sa Department of General Services Office (DGS) nga maoy kanunay makadawat og reklamo sa mga molopyo tungod sa nasinati nga kabaho.

Kini gituyo aron ang mga biya sa isda mahimo pang ilawog sa mga binuhing hayop sama sa iro ug iring.