Argao Nature Park gitinguha nga panindoton

CEBU, Philippines — Gitinguha sa kagamhanan sa Lungsod sa Argao ang pagpanindot sa Argao Nature Park diin usa kini sa naapektohan kaniadto sa bagyong Odette.

Si Mayor Allan Sesaldo nipadangat na kini og komunikasyon ngadto sa Provincial Environment and Natural Resources Office (PENRO) ug sa Department of Environment and Natural Resources (DENR) sa probinsiya kabahin sa maong tinguha.

Base sa taho diha sa page sa Argao Local Government Unit nga tukion na ang maong plano ug sugyot alang sa pagpalambo sa turismo, paghatag og dugang serbisyo sa katawhan ug pagpalapad sa ekonomiya sa lungsod.

Pipila sa mga plano alang sa kaugmaran sa Argao Nature Park mao ang pagpatukod og multi-purpose building, family park, compound, ug uban pa nga mapahimuslan sa mga konstituwente sa nahisgutang lungsod.

Nasayran nga ang Argao Nature Park kanunay kining bisitahon sa mga tawo nga gikan sa laing lugar.

Giingong nakatabang ang maong spot sa pag-ugmad sa turismo sa lungsod. (/BDB) (BANAT NEWS)