Imahen sa Santo Niño ug Birhen sa Guadalupe giprosisyon sa NAVFORCEN

CEBU, Philippines — Usa ka mubo nga prosisyon sa imahen ni Señor Santo Niño ug Birhen sa Guadalupe ang gipahigayon diha sulod sa Naval Forces Central (NAVFORCEN) sa wala pa isakay sa Galleon ang nahisgutang mga imahen alang sa fluvial procession balik sa Dakbayan sa Sugbo.

Kini ang gibutyag ni Padre Ion John Miranda, OSA, tigpamaba sa Basilica Minore del Santo Niño. Matud ni Miranda nga tungod kay anaay portion sa NAVFORCEN nga nagpadayon ang trabaho padulong sa barko nga sakyan sa fluvial hinungdan nga adunay mubo nga prosisyon.

Ang nahisgutang mga imahen gikan kini sa Birhen sa Regla Parish National Shrine sa Dakbayan sa Lapu-Lapu diin gipahigayon Santos nga Misa sa alas 4:00 sa kadlawon sa wala pa kini ibalik sa Dakbayan sa Sugbo. Si Archbishop Jose Palma sa Archdiocese of Cebu uban sa mga bisita lakip sa Hermano ug Hermana Mayor ang nisakay sa Galleon nga gisakyan sa imahen ni Santo Niño ug Birhen sa Guadalupe.