1,500 polis ipakatap karong adlawa
CEBU, Philippines — Moabot sa 1,516 ka personnel ang ipakatap karong adlaw aron mobantay gikan sa Pier 1 kun asa modunggo ang galleon nga luwanan sa imahe sa Balaang Bata Sr. Sto. Niño ug Birhen sa Guadalupe human sa fluvial procession padulong sa Basilica Minore del Sto. Niño.
Ang maong mga personnel langkuban sa kapulisan, Cebu City Transportation Office, Cebu City Disaster Risk Reduction and Management Office (CCDRRMO) ug uban pa.
Matud ni Police Col. Ireneo Dalogdog, Director sa Cebu City Police Office (CCPO) nga ang gilay-on gikan sa Pier 1 padong sa Basilica Minore del Sto. Niño naa sa 750 meters.
Sa Basilica mahitabo ang reenactment sa planting of the cross, first mass, baptism ug wedding.
Sa samang adlaw sa alas 2 sa hapon ipahigayon ang solemn foot procession imahe sa Sr. Sto. Niño. Ang distansiya nga lakwon sa solemn foot procession moabot sa 5.8 kilometers.
Dugang moabag sa pagbantay ang 325 ka personnel sa CCTO ug 162 sa CCDRRMO ingon man student volunteers nga moabot sa kapin 10,000.
- Latest
