Mga tag-iya og restobar ipatawag sa kapolisan

CEBU, Philippines —  Ipatawag sa Cebu City Police Office(CCPO) ang tag-iya og resto bars ug restaurant owners nga naa sa 88th Avenue diha sa Gov. M. Cuenco Avenue, Barangay Kasambagan, siyudad sa Sugbo uban ang representante sa Business Permit and Licensing Office(BPLO) ugma sa hapon alang sa usa ka dayalogo.

Giimbitar sab sa kapolisan si Cebu City vice Mayor Raymond Alvin Garcia ug ang Chairman sa Committee on Peace and Order Konsehal Phillip Zafra.

Tumong sa maong tigum mao nga aron dili na masubli pa ang nahitabo sa usa ka bar sa maong dapit diin usa ka iladong international chef nga usa ka langyaw ang giingong gikasukmagay sa grupo sa mga lalake nga Pinoy pasado ala 1 sa kadlawon niadtong Disyembre 24.

Lakip sa hisgutan mao ang pagbaton sa mga business establishment og mga operational nga Closed Circuit Television (CCTV) cameras aron dali ra makita kun kinsay nagpasiugda sa kasamok.

Ingon man ang pagbutang og security guards o kaha bouncers aron kun dunay mga kagubot dali ra nga mauwang.

Nasayran si Cebu Governor Gwendolyn Garcia mipadayag og kasagmuyo sa iyang post sa Facebook ngadto sa management sa F Café and Bar kay giingong pipila ka mga tawo niini ang apil sa pagsumbag kang Jason Atherton, usa ka british national ug iladong international chef.

Ang Hepe sa Mabolo Police Station 4 Major Eraño Regidor miklaro nga gialarmahan nila ang nahitabong kagubot gani ang mga nalambigit niini gidala sa police station apan sila nagkasabot nga husayon ang hitabo ug nagkapinasayloay.

Apan niadtong Miyerkules ang habig sa maong foreign chef miadto sa police station aron mosang-at og reklamo batok sa pikas grupo.

Nagpadala usab og letter request ang Mabolo Police Station 11 sa bar nga nalambigit sa hitabo aron makapangayo og kopya sa CCTV.

Samtang nipagawas sab og official statement ang bar ug hugot nga mihimakak sa alegasyon batok kanila ug nanghinaot sila og due process kay giingong gikondenar dayon sila bisan og wala pa makuha ang ilang habig.

“Further and in relation to the earlier Statement released by F Cafe & Bar with respect to the incident involving Chef Atherton, F Cafe & Bar expresses that the said Statement was never intended to discredit any individual or party, but only to defend its good name from the negative social media commentaries and news media articles  resulting from its silence.

Most certainly, F Cafe & Bar's Statement was not intended to dishonor or discredit any person, personality or official. F Cafe & Bar is itself conducting its own reinvestigation on the matter.” Tipik sa statement nga gipagawas sa nahisgutang bar. BANAT NEWS)