Special dalaw sa pasko buhaton sa ccj

Gihatagan og higayon sa kadagkuan sa Cebu City Jail Male Dormitory ang ilahang mga Persons Deprived of Liberty nga makauban ug makita ang mga minahal sa kabuhi karong Pasko ug Bag-ong Tuig pinaagi sa pagpatuman nila og Special Dalaw-Schedule Christmas Season and New Year.

Magsugod kini sa Disyembre  20, 2022 hangtod sa January 1 2023, gikan sa alas 9 sa buntag hantod sa alas 12 sa udto ug ala 1 sa udto hantod sa alas 4 sa hapon.

Kagahapon, Disyembre 20, Martes ang mga PDL nga naa sa Main Building 14 hantod sa 25, kitchen ug cafeteria.

Karon, Disyembre 21, Miyerkules ang mga PDL nga naa sa Drug Offenders Building 14 hantod sa 21, Maximum  Security ug Receiving and Diagnostic Center ang hatagan og higayon nga maduaw.

Sa Disyembre 22, Huwebes ang Main Building 1 hantod sa 13; sa Biyernes petsa 23 ang Drug Offenders Building 1 hantod sa 13; petsa 24, Sabado ang Annex Building ug Main Building.

Sundan kini sa petsa 25, Domingo ang mga PDL sa Drug Offenders Building ug sa petsa 27 ang Main Building 13 hantod sa 15 ug ang Kitchen ug Cafeteria.

Sa Disyembre 28, Miyerkules ang Drug Offenders Building 14 hantod sa 21 ug Maximum Security ug Receiving and Diagnostic Center dayon sa petsa 29, Huwebes ang Main Building 1 hantod sa 13.(BANAT NEWS)