Bag-ong Jail Warden sa CCJ milingkod

CEBU, Philippines — Milingkod na niadtong Disyembre 1 ang bag-ong warden sa Cebu City Jail Male Dormitory nga si Jail Superintendent Gregorio Acacio diin gihulipan niini sa katungdanan si Jail Superintendent Metz Milton Placencia.

Niadtong miaging adlaw ang regional director sa Jail Bureuau Jail Chief Superintendent Neil Avisado maoy nangulo sa relinquishment ug assumption og post duties and responsibility sa bag-ong gitudlo nga Jail Wardens ug miyembro sa Command Group sa Bureau of Jail Management and Penology Regional Office-7.

Ang turn-over ceremony gipahigayon sa BJMPRO-VII Multi-Purpose Hall.

Nasayran si Jail Superintendent Placencia gitudlo isip Officer-in-Charge sa Lapu-Lapu CIty Jail Male Dormitory.

Si Placencia nahimong warden sa Cebu City Jail Male Dormitory niadtong Agosto 1 hantod sa Nobyembre 30, 2022.

Sulod sa upat ka buwan nga pamunuan niini si Placencia nahimong 4th Best City Jail Warden 3rd Quarter BJMP Region Seven’s Best.

Ang pasilidad sab nakadawat og pasidungog isip Best Custodial Unit Cebu City Jail 3rd Quarter BJMP Region Seven’s Best.

Nakig-alayon sab si Placenxia sa Justice Zone ug Go Just virtual online hearing hub alang sa mga Persons Deprived of Liberty online o virtual trial ug ang maong proyekto nagpadayon hantod ron.

Nihimo sab kini og lakang alang sa koneksyon sa tubig gikan sa Metropolitan Cebu Water District(MCWD) pinaagi sa tabang sa Local Government sa Cebu City ug pending pa kini karon.

Malampuson sab nga nabalhin ang 89 ka insular prisoners ngadto sa Leyte Regional Prison ug si Placencia sab ang nihimo sa pagpahigayon og dry run alang sa pagbalik sa duaw sa maong pasilidad. — /IBM (BANAT NEWS)