Talisay magbutang og e-learning sa matag barangay
CEBU, Philippines — Ang kagamhanan sa Dakbayan sa Talisay nagtinguha nga magbutang og e-learning ang matag barangay.
Nipadayag si Mayor Gerald Anthony “Samsam” Gullas, Jr. nga nag-una na nga nahimoan og e-learning center ang mga barangay sa Bulacao ug Tabunok.
Matud ni Gullas nga makatabang kini sa mga kabataan sa ilang pag-research subay sa ilang pagtungha.
Si Kapitan Banjo Abastillas sa Bulacao nagkanayon nga gipaabot nila nga mainstolar na ang computer set ug pagbutang sa encyclopedia, dictionary ug uban pa.
Nagtuo si Abastillas nga mabuksan nila ang e-learning center sa ilang barangay karong sunod buwan.
Samtang si Gullas nibutyag nga nangita pa sila og lugar sa uban nga barangay aron katukoran sa maong edipisyo. Dugang ni Gullas nga dako niyang paghangop sa kong adunay mga mohatag og mga butang nga magamit sa pagtuon sa mga kabataang Talisaynon. (/BDB) (BANAT NEWS)
- Latest
