Duha ka insidente sa sunog ang nahitabo sa unang adlaw sa Nobiyembre
CEBU, Philippines — Ang Cebu City Fire Department nakatala na og duha ka sunog sulod sa pipila pa lang ka adlaw niining buwana.
Kini ang gibutyag ni Senior Fire Officer 2 Wendell Villanueca, tigpamaba sa CCFD.
Gilangkuban kini sa transport fire incident niadtong Nobiyembre 1, 2022 sa kadlawon diha sa flyover sa Barangay Mambaling ug pagkagabii niini diha sa Sitio Tugas sa maong barangay nga naglambigit sa residential houses.
Matud ni Villanueva nga nikabat ngadto sa P1.8 milyones ang danyos sa sunog diha sa Sitio Tugas ug P30,000 sa flyover.
Si Villanueva nihangyo sa publiko nga kanunay’ng magmabinantayon ug sundon kanunay ang pahimangno sa kabomberohan aron malikayan ang sunog.
Subay niini, ang mga biktima sa sunog diha sa Sitio Tugas anaa gihapon kini temporaryong nagpasilong sa Mambaling Elementary School.
Matud ni Dr. Ester Concha, pangulo sa Department of Social Welfare and Services nga ilaha pa karong gilihok ang mga dokumento alang sa financial assistance diin iduso nila kini sa konseho atol sa session sa sunod semana. (BANATNEWS)
- Latest
