Alba nimando sa pag-umol og media vanguard

CEBU, Philippines — Ang Police Regional Office-7 niumol og media vanguard diin usa kini sa mga  programa sa bag-ong direktor sa PRO-7 Brigadier General Roderick Augustus Alba.

Tumong niini nga mahatagan og proteksiyon ang mga sakop sa media sa rehiyon kinsa giisip niini nga katambabayayong sa pagbantay sa katilingban.

Matud ni Alba nga gimandoan niya ang iyang mga sakop nga mopahigayon dayon og diyalogo sa mga tigbalita aron madungog usab ang concerns sa journalists sa Central Visayas.

Dili malikayan nga ang mga tigbalita adunay mga hulga o reklamo nga madawat kalabot sa ilang trabaho.

Si Alba nagkanayon nga bukas ang kapolisan sa pag-akumodar sa mga kabalaka o reklamo sa mga tigbalita tungod kay dili siya gusto nga adunay daotang mahitabo sa mga sakop sa media.

“Yun po ang commitment na binibigay ko, we’ll be in full support sa ating kasamahan sa media, as the vanguards also for transparency and accountability ng lahat ng sectors natin sa siyudad kasama yung Philippine National Police”, matud ni Alba.

Gusto ni Alba nga ang tanang police stations mo tudlo og Public Information Office o tigpamaba nga maoy duolan sa mga tigbalita mahitungod sa concerns sa peace and security ug aksiyonan dayon sa chief of police.

Nasayran nga aduna nay kamandoan niini ang Philippine National Police nationwide nga kon adunay hulga nga madawat ang mga sakop sa media aksiyonan dayon kini.

Apan didto sa Manila giingong nahimo kining isyu human nga adunay mga polis nga niadto sa panimalay sa usa ka TV reporter nga giingong wala nakauniporme ug wala usab  nakig-alayon sa reporter.

Si Alba nagkanayon nga aron malikayan ang maong isyu wala nay visitation nga himuon tungod kay iagi niya sa press corp ug mopahigayon dayon og dialogue.

“Sa pamamagitan ng platform not directly mag-conduct ng ganung activity so there’s should be a proper protocol”, ni Alba pa.

Gipaniguro usab ni Alba ang transparency ug paghatag og media access sa mga mahinungdanon nga kasayoran apan kinahanglan usab mosubay sa proseso ug depende sa sitwasyon. BDB (BANATNEWS)