Bag-ong KBP-Cebu chairman taga Energy FM
CEBU, Philippines — Adunay bag-ong napili nga mga opisyal ang Kapisanan nga mga Brodkaster ng Pilipinas (KBP-Cebu) alang sa tuig 2022-2023, atol sa gihimong tigom sa mga stations managers sa nagkadaiyang radio ug TV stations nga sakop sa KBP diri saSugbo niadtong Septembre 23, napili ang ang station manager sa DyLL Energy FM nga si Allan “Abai” Montesclaros nga maoy bag-ong chairman sa organisasyon.
Siya maoy nihulip kang Fr. Roberto Ebisa, SVD kinsa nidumala sa KBP-Cebu sukad niadtong 2016.
Sa iyang paglingkod isip chairman sa KBP-Cebu, si Montesclaros nagkanayon ang mga membro sa KBP magpabilin nga mopalig-on ug “relevant” sa society hilabina karon sa new normal.
“The Kapisanan ng mga Brodkaster ng Pilipinas (KBP) members believe that we are of different herd from the circus of on-line disinformation that paralleled the advancement of human lives in this digital era. As members we will define even deeper the standards and take the accountabilities in this God given profession, as broadcaters, Beyond listenership, views, followers and money but with passion,” matud ni Montesclaros.
Si Ebisa sa iyang bahin niangkon nga nag broadcast industry, hilabina ang radio nag-atobang karon og hagit tungod sa advancement sa teknolohiya.
Nanghinaot si Ebisa nga makalampos ang industriya sa maong hagit ug nagtoo nga ang passion sa broadcasting ug panag-uban sa tanan makahatag og dakong kalampusan sa radio.
Ang KBP-Cebu Chapter nipahigayon sa closing event pagmarka sa broadcaster’s month sa bulan sa Septembre kagabie kon diin nanumpa usab ang mga napili nga opisyal sa organisasyon.
Apil sa mga napili mao ang mosunod; Chairman, Allan Montesclaros (Energy FM); Vice President for FM, Alvin Bandiola (DYCD 103.5 FM RETRO); Vice President for AM, Jovelyn Satinitigan Padin (DYRC); Treasurer, Gayle Loraine Lagadia (The Life Changing Radio); Secretary, Jose Maria Ayie Lanza (Love Radio); Auditor, Jimrey Biosa (SMNI DYAR 765 Cebu).
Ang Board of Directors mao sila si Raymond Cerna (DYIO FM Y101 Cebu), Fr. Felmar Fiel SVD (DYRF) ug Jhunnex Napallacan (DYLA); Legal Council, Atty. Ruphil Banoc (DYHP 612 AM CEBU) ug KBP Regional Coordinator, Marlon Baula (YESFM and Easy Rock Cebu). — /IBM (BANAT NEWS)
- Latest
